همسات الحب الألهى

هايجيلك وقت هاتحصلك حاجات ف حياتك مش مفهومة ناس هاتسيبك من غير أسباب شغل هايتعطل .. أحلام هاتتأجل ابواب هاتتقفل ف وشك فجأة هاتحس ان حياتك بتتلخبط وكل حاجة نفسك فيها بتروح منك اقولك سر ؟ يا بختك يا بختك لأنك هاتشوف العجب ف حياتك الأتون اللي لقيت نفسك فيه ربنا هايكون  جواه وجنبك الجب اللي اتسجنت فيه ربنا هايسد افواه الاسود اللي فيه علشانك البحر اللي نزلت فيه هايتشق وتشوف فرعون قصادك بيغرق بمركباته وجنوده الحوت اللي بلعك هايعلمك ترفع ايديك وتصرخ لربنا البير اللي اخواتك رموك فيه هايكون سبب انه يخليك ف مكان احلي وأعظم ومنصب عمرك ما حلمت بيه كل حاجه بتحصل ف حياتك مقصودة كل اللغبطة اللي انت عايشها دلوقتي نهايتها فرحة وخير اكبر مما تتخيل اصبر واطمن .. ربنا هايفاجئك قريب هو عارف شغله كويس وعارف بيعمل ايه غمض عينك هاتسمع صوته وهو بيقولك  لَسْتَ تَعْلَمُ أَنْتَ الآنَ مَا أَنَا أَصْنَعُ وَلكِنَّكَ سَتَفْهَمُ فِيمَا بَعْدُ انجيل يوحنا ٧:١٣ ساعات ربنا بيقصد مايجيبلناش معونة بشرية انك ينفضوا من حواليك الحبايب عشان توصل للحتة دى تقوله  "أنت هو&qu

يارب خطايا كثيرة قوي ظاهرة ومستخبية وذنوب مالياني والحيرة قاتلاني ومش قادر أحط عيني ف عينك خجلان من نفسي ومن أفعالي ومش عارف أرجعلك تاني وأحياناً بألاقي نفسي مش عاوز أرجع بس في بعدي كل حاجة جوايا بتعاني مع اني عارف ان الراحة عندك أنت ولا يمكن ألاقي الراحة مهما تخيلت إلا عندك أنت اديني الشجاعة اني أرجعلك وأسند راسي علي صدرك توبني فأتوب خليني أرجع وأبكي عند رجليك زي مريم المجدلية أمين عايز أجيلك ياربى بس مش قادر وأنت يارب دايماً عليا صابر أقولك إستنانى تانى تقولى حاضر وأنت من السما عليا ناظر ولجميع ذنوبى إنت غافر لأن قلبك كبير لكن أنا إنسان مكابر دايماً عدو الخير غالبنى وعليا شاطر لكن يارب وعد منى مش هأبقى إنسان خاسر دايماً هأفضل أحاول وهأفضل أعافر وهأغلب الشيطان وأكون بقوة صليبك أنا اللى ناصر ويكون قلبى إنت ساكنه ويكون بالخير والحب عامر بس ياربى متملش منى وإحتملنى  إنت إله على كل شىء قادر رغم أننا سمعنا كثيراً عن التوبة فأنه يبقى السؤال الأهم لي ولك هل اختبرت حقاً توبة الحياة فتغيرت حياتك؟ في الحقيقة نحتاج جميعنا أن نراجع حياتنا في ظ