مكتفاني خطيتي زي الكفن وفي قلب قبر من الشرور قلبي أندفن من بره شكلي متبيض ومدهون ألف لون ومن جوه مليان بالعفن فينك يارب؟ لو كنت ساكن جوه قلبي ماكنش مات ولا كانش عمره هايتملي شر وأفات يا خسارة الوقت اللي فات وأنا معرفكش.. ومبكلمكش مع اني كنت بملي الدنيا كلام أضحك وعمري ما حسيت بالسلام بأزرع وأعمر.. بس جوايا خراب عندي عيون مبيملهاش إلا التراب أه يارب أه يارب لو كنت جوه القلب ده موجود لو كنت لما ندهتني سمعتك لو كنت قررت أشتريك مش بالرخيص بعتك ماكنتش أبقي في نعشي ده ممدود ولا كنت هأبقي فريسه للعفن والدود بس أعمل ايه؟ أنا من غبائي وقسوتي خبطت بابي قولت لك أمشي بدون مطرود ياه.. أنا مش مصدق أنا اللي دايماً بأهملك وأبعد وأسيبك لسه برضه معتبرني أبنك حبيبك! ياه وأيه ده اللي جوه عينيك؟ دموع لسه فاتح حضنك بتناديني لسه برضه فيه أمل فيه سكة تاني للرجوع آدي الحجر اللي على قلبي اهوه مرفوع غرق بشمسك ضلمتي أنا مش هأعيش في العتمة بعد اليوم أنا عاوز أقوم من رقدتى إنده عليا وقوللي قوم هأقوم _________ أن
† ربنا موجود.. كله للخير.. مسيرها تنتهى †